काठमाडौँ : खाँडादेवी जेसीजको आयोजनामा तिनकुने स्थित KFC मा संस्थाको अध्यक्ष जेसि सम्झना श्रेष्ठको अध्यक्षतामा बोर्ड बैठक सम्पन्न गरिएको हो । उक्त बैठकमा बोर्डका सम्पुर्ण पदाधिकारीहरुको उपस्थिती रहेको थियो । उक्त बैठकमा अध्यक्षबाट ५ वटा प्रोभिजनल एजेन्डा प्रस्तुत गरि सोहि एजेन्डामा रहेर कार्यक्रम शुरु गरिएको थियो ।
यस बैठकबाट संस्थाको सम्पुर्ण सदस्यहरुलाई संस्थाको लोगो सहितको एउटा÷एउटा टिसर्ट वितरण गरिने सर्वसहमत बाट पारित गरिएको थियो । त्यसैगरि खाँडादेवी जेसीजको लागि खाँडादेवी गाउँपालिका र बागमति प्रदेशबाट विनियोजित रकम रु १०÷१० गरि २० लाखले भवन निर्माणको कामलाई अगाडि बढाउन भवन निर्माण उपभोक्ता समिति गठन गरिने र सोहि जेसिज भवन शिल्यानास र स्वास्थ्य शिविर कार्यक्रम एकै दिन पारेर गरिने निर्णय सर्वसहमतबाट पारित गरिएको थियो ।
नेपाल जेसीजको नियमलाई पालना गर्दै पत्येक वर्ष गरिने जेसीज सप्ताह कार्यक्रम पनि यहि जेठ २१ गतेबाट शुरुवात गरिने संस्थाको अध्यक्ष जेसि सम्झना श्रेष्ठले जानकारी दिनुभयो । जेसीज सप्ताह प्रत्येक दिन एउटा र अलग अलग शिर्षकमा कार्यक्रम गरि एक हप्तामा सकाउनुपर्ने छ । जेसीज सप्ताहमा पहिलो दिनबाट क्रमशः वृक्षारोपन, वतृत्वकला प्रतियोगिता, सरसफाई, लागुपदार्थ सम्पन्धी अवेरनेस, कविता प्रतियोगिता, जेसीज प्रचार प्रसार र अन्तिम दिन हाइकिइ गरेर कार्यक्रम समापन गरिने संस्थाको महासचिव तथा जेसीज सप्ताहको मुल सयंोजक जेसि विनोद कुमार श्रेष्ठले बताउनु भयो ।
पत्येक कार्यक्रमको फरक फरक संयोजक छनोट गरि फरक फरक प्रमुख अतिथी बोलाउने सर्वसहमतबाट पारित गरियो । त्यसैगरि खाँडादेवी गाउँपालिका भरिका सम्पुर्ण नवनिर्वाचित जनप्रतिनिधीहरुलाई बधाई तथा सफल कार्यकालको शुभकामना कार्यक्रम गरिने सर्वसहमतबाट पारित गरिएको थियो ।
